Wednesday, August 23, 2017

உணவு தர்மம்...........உன் உயிர் காக்கும் தர்மம்.

இஸ்கந்தர் பராக் Iskandar Barak
தங்களால் இயன்றதை செய்யும் தர்மங்களில் இந்த உணவு தர்மமே கடவுளுக்கு பிடித்ததும் அவனுக்கு நெருக்கமானதுமென்கிறார் நபிகள் நாயகம்.
உங்கள் மனசில் சஞ்சலமா
உங்களுக்கு பொருளாதார நெருக்கடியா
உங்கள் உடமைகள் தவறிவிட்டதா

ஆதியந்த முமில்லாது ஆளும் இறையோனே!

ஆதியந்த முமில்லாது
ஆளும் இறையோனே!
நாளை மறுமையிலே
நாதியிலாது நான் தவிக்கும் வேளையிலே!
மேதினியில் உதவுதற்க்கு யாருமிலையே!
நின் கருணை என்மேலும் உலகுவாழ் உயினங்கள் அனைத்தின் மீதும்
பொழிய வைப்பாய் கருணாகரனே!!
செய்த பழி பாவங்கள் அனைத்திற்கும் கணக்கு கேட்டால் கைசேதமே!
கருணையின் திருவுருவே!
சத்தியமாய் நிரந்தரமாய் வாழும் சர்வேஸ்வரா!!
சாந்தமான பார்வையினை எம்மீதும் உலகோர் மீதும் செலுத்திடுவாய்
ரஹ்மானே! ரப்புல் ஆலமீனே!!

Sunday, August 20, 2017

ஏறத்தாழ ஐந்து லட்சம் முஸ்லிம்கள் ஆஸ்திரேலியாவில் வசிக்கிறார்கள்

இஸ்லாத்தை கேவலப்படுத்துவதாக நினைத்து தன்னை கேவலப்படுத்தி கொண்ட நாடாளுமன்ற உறுப்பினர்..!!!

ஆஸ்திரேலிய நாடாளுமன்றத்தில் இன்று நான் அதிரடியாகச் செய்யப்போகும் செயலால் அவை முழுதும் தன்னைப் பாராட்டும்” என்று நினைத்துக் கொண்டார் பவ்லின் ஹான்சன் எனும் பெண் உறுப்பினர்.

இவர் தீவிர வலதுசாரிக் கட்சியைச் சேர்ந்த உறுப்பினர் ஆவார்.
பவ்லின் ஹான்சன் என்ன செய்தார் தெரியுமா?
முஸ்லிம் பெண்கள் அணிவது போன்ற புர்காவை அணிந்துகொண்டு நாடாளுமன்றம் வந்தார்.
தாம் பேச எழுந்தபோது புர்காவைக் கழற்றி வீசியபடி, “ஆஸ்திரேலியாவில் இதுபோன்ற மத உடைகளுக்கு அனுமதி அளிக்கக் கூடாது, தடை விதிக்க வேண்டும்” என்று வேகமாக வலியுறுத்தினார்.

Saturday, August 19, 2017

"என்னால்" "நான் தான்" என்ற பாரம் ஏற்ற ஏற்ற கணம் தாங்கமுடியாமல்

"என்னால்" "நான் தான்" என்ற
பாரம் ஏற்ற ஏற்ற கணம் தாங்கமுடியாமல்
தலை புஜம்
கால்கள் கரங்கள் சிரம்
அழுத்தமடைந்து
அச்சு முறிகிறது.
வெறுப்பும் பகையும்
அச்சமும் கவலையும் தோன்றி
எம்மை
மிக தீவிரமாக அச்சுருத்துகிறது.

ஹஜ் பயணிகளுக்கு அனுமதி: கத்தர் வரவேற்பு!

கத்தர் ஹஜ் பயணிகளுக்கு விமானம் மற்றும் தரை வழிகளை சவூதி அரேபியா திறந்து கொடுத்துள்ளதைக் கத்தர் வரவேற்றுள்ளது.
கத்தரிலிருந்து ஹஜ் பயணம் மேற்கொள்ள விரும்பும் பயணிகளுக்கு விமானம் மற்றும் தரை வழிபோக்குவரத்து திறந்து கொடுக்கப்படும் என சவூதி அரேபியா அறிவித்தது.

Thursday, August 17, 2017

வெள்ளிக்கிழமை வணக்கத்துக்குரிய நாள்!

بسم الله الرحمن الرحيم  
الجمعة يوم عبادة
ஏக இறைவனாகிய அல்லாஹ்வுக்கே புகழ் அனைத்தும். அல்லாஹ்வின் தூதர் முஹம்மத் (ஸல்) அவர்கள் மீது அவனது சாந்தியும் சமாதானமும் உண்டாவதாக!

மனிதர்கள் தங்களின் திருநாட்கள் மீண்டும் மீண்டும் வருவதிலும், அதை கொண்டாடுவதிலும், அந்த நாட்களை நினைவு கூர்வதிலும் சந்தோஷமடைகின்றனர். அதே போன்று தான் இஸ்லாமிய சமூகத்துக்கு அல்லாஹ்வை வணங்கக்கூடிய திருநாளாக வெள்ளிக்கிழமைதினம் இருக்கின்றது.

காலங்களுக்கு பொய்......../ தமிழ் பிரியன் நசீர்

காலங்களுக்கு
பொய்........
வர்ணங்களை
காணிக்கையாகத்
தந்து.........்
எங்கள் கனவெனும்
ஓவியங்களை
வரைந்து ..........

Wednesday, August 16, 2017

இன்னா செய்தாரை..


Noor Mohamed

அண்ணல் நபிகளாரின் ஆருயிர்நண்பர்,நபிகளாரின் மறைவுக்குப்பிறகு சமுதாயத்திற்குத் தலைமையேற்ற முதல் கலீபா அமீருல் முஃமினீன் அபூபக்கர் ஸுத்தீக்(ரலி) அவர்கள் இயல்பிலேயே இரக்கசிந்தையும் ஈகைக் குணமும் அமையப்பெற்ற அருமையான மனிதர்.நபித்தோழர்களில் ஒருவர் மிகவும் ஏழ்மையில் இருந்த நிலையில் அவருக்கு வழமையாக உதவிசெய்து வந்தார்கள் ஸித்தீகுல் அக்பர் அவர்கள்!

Saturday, August 12, 2017

.இந்திய பிரிவினைக்கு யார் காரணம்? முஸ்லிம்களா? ஹிந்து தீவிரவாதிகளா? பகுதி 1

--கணியூர் இஸ்மாயீல் நாஜி
இந்து – முஸ்லிம் உறவு கடந்த காலங்களில்.
.
கி.பி. 8ம் நூற்றாண்டிலிருந்து கி.பி. 18 ஆம் நூற்றாண்டு வரை இந்தியாவை ஆண்ட முஸ்லிம்களின் ஆட்சியை தலைச்சிறந்த ஆட்சியென போற்ற இயலாவிட்டாலும் இந்த 10-ஆம் நூற்றாண்டு காலக் கட்டத்தில் இந்து – முஸ்லிம் கலவரங்கள் நடந்ததாக இந்திய சரித்திரத்தின் ஒரு பகுதியிலும் கூட காண இயலாது. ஆனால் ஏகாதிபத்திய வெள்ளையர்கள் தங்கள் ஆட்சியை இங்கே நிலை நிறுத்த முயன்ற 19ஆம் நூற்றாண்டில் தான் நாம் முதன் முறையாக இந்து – முஸ்லிம் கலவரங்களைப் பற்றி அறிகிறோம்.
பிரிட்டிஷ் ஆட்சியில் இந்துக்களும் முஸ்லிம்களும்
இந்துக்களையும் முஸ்லிம்களையும் பிரித்தாளுதல் மூலமே தங்களின் ஆட்சியை நிலைபெற வைக்க முடியுமெனத் திட்டமிட்டனர் வெள்ளையர். அதற்கு இரு வழியினைக் கடைப்பிடித்தனர்.

மனித உரிமை மதிக்கப் படும் நாடு (லண்டன்)

மனித உரிமை மதிக்க படும் நாடு (லண்டன்) 
மனித வருமை ஒழிக்கப் பட்ட நாடு. ..
உயிரின் மதிப்பை உணரப்பட்ட நாடு,
மத சுதந்திரத்தை காக்கப்படும் நாடு,
அனைவரும் சமம் என்ற சமத்துவ நாடு, மக்களின் நலம் பேணும் மருத்துவ நாடு

Thursday, August 10, 2017

விமான ஓட்டியாக இஸ்லாமியப் பெண்கள்

ஷரீஃபா, ஷரியானா, நதியா என்ற மூன்று இஸ்லாமிய பெண்மணிகள்.
புருனை ஏர்லைன்ஸ் 787 ஜெத்தாவில் பாதுகாப்பாக இறங்கியது. இதில் என்ன விசேஷம்? இந்த விமானத்தை இயக்கியது ஷரீஃபா, ஷரியானா, நதியா என்ற மூன்று இஸ்லாமிய பெண்மணிகள்.

இஸ்லாம் பெண்களை வீட்டுக்குள் அடைத்து வைத்துள்ளது என்று கூறுபவர்களுக்காக இந்த பதிவு!
http://suvanappiriyan.blogspot.com/2017/08/blog-post_34.html

Wednesday, August 9, 2017

முஸ்லீம்களின் ஊரில் தான் மாடுகள்...

முஸ்லீம்களின் ஊரில் தான் மாடுகள்...
பாதுகாப்புடன் வாழ்கிறது என்பதின் காட்சியை இன்று காலையில் கண்டேன்.!
இது இறச்சிக்காக வளர்கப்படும் மாடுகள் அல்ல.!
பாலுக்காக வளர்கப்படும் பசுக்கள்..!
இதன் உரிமையாளர் இந்துவாக கூட இருக்கலாம்.
மதம் மாடுகளுக்கு இல்லை.!
எந்த மாடாக இருந்தாலும் முஸ்லீம்களை
பொருத்தவரை .... மாடு மாடு தான்.!
மாடு மாதாவாக எங்களின் அறிவு ஏற்றுக் கொள்ளாது.!
உங்களுக்கு உங்கள் மார்க்கம்.!
எங்களுக்கு எங்கள் மார்க்கம்.!

Haja Maideen

முஸ்லிம் கல்வி மேம்பாட்டு குழுமம் -தமிழ்நாடு

Muslim Educational Promo council scholarship 2017-


From: Noorul Ameen <noorulameen72@gmail.com>
from: Muduvai Hidayath <muduvaihidayath@gmail.com>

Tuesday, August 1, 2017

மக்களுக்கு தாக்குப் பிடிக்காது.

சுன்னத் ஜமாத்காரனுக்கு
வகாபியை பிடிக்காது
ஜமாத்தே முஸ்லிமீன் வகாபிக்கு
ஜாக் வகாபியை புடிக்காது.
ஜாக் வகாபிக்கு
ததஜ வகாபியை பிடிக்காது.
ததஜ வகாபிக்கு
இ.த.ஜ. வகாபியை பிடிக்காது.

"நான்" என எனைக்கருத

"நான்" என எனைக்கருத 
உட்புகும் ஆழிப்பேரலை
என் நிலைகளை தாக்கி
பேரழுத்தத்தை தருகிறது
"நான்" யென்பதன் 
நிஜத்தைப்புரிந்து
அதன் 

Thursday, July 27, 2017

*நபிகளார் சொன்ன* *கண்ணாடிப் பாடம்*

அந்தப் பெரியவரின் கையில் ஒரு கண்ணாடி. அடிக்கடி அதைப் பார்ப்பார். பிறகு ஏதோ சிந்தனையில் மூழ்கிவிடுவார்.
பக்கத்து வீட்டு இளைஞனுக்குக் குறுகுறுப்பு…!
‘அந்தக் கண்ணாடியில் அப்படி என்னதான் இருக்கிறது? பெரியவர் அடிக்கடி அதையே உற்று உற்றுப் பார்க்கிறாரே!. ஒருவேளை மாயா ஜாலக் கண்ணாடியோ?’ அவனால் ஆவலைக் கட்டுப்படுத்த முடியவில்லை.
பெரியவரை நெருங்கினான்.
“ஐயா…!”
“என்ன தம்பி?”
“உங்கள் கையில் இருப்பது கண்ணாடிதானே?”
“ஆமாம்!”
“அதில் என்ன தெரிகிறது?”

Tuesday, July 25, 2017

இவருடைய கொள்கை நுழையாத நாடே உலகில் இல்லை.

உலகின் எந்த பகுதியிலும் ஒரு தலைவர் இறந்து விட்டால் அவர் கொள்கையை காப்பாற்ற இன்னொரு தலைவரை தேர்வு செய்வார்கள்.
தலைவரை தேர்வு செய்வதற்குள் பலவிதமான போட்டிகள் நிலவும், இதை தான் உலகம் பார்த்து வருகிறது.
1400 ஆண்டுகளுக்கு முன்பு மக்காவிலும், மதீனாவிலும் ஓர் தலைவர் வாழ்ந்தார். அவர் மரணித்து 1400 ஆண்டுகள் ஆகி விட்டது.
ஆனால் அவர் விட்டு சென்ற கொள்கை அழிந்து விடவில்லை, மாறாக பிரம்மாண்டமாக வளர்ந்து உலகம் முழுவதும் பரவி உலகின் 200 கோடி மக்களை வென்றெடுத்துள்ளது.

Monday, July 24, 2017

கந்திரமே உந்தன் விலை என்னவோ?

இறைவனது படைப்பில் அனைவரும் சமமே! உயர்வு தாழ்வு சொல்லுதல் பாவம். இதுபோன்றவை எல்லாம் நன்மக்கட்கு மட்டும் சொன்னதோ? இல்லை, அனைவர்க்கும் சொல்லப்பட்டது. ஆனாலும் தன்னை சுற்றி இருப்பவர்கள் முட்டாள்களாக இருக்க விரும்புபவர்கள் அடிமுட்டாளாகவே இருப்பார் எனபது எனது எண்ணம்.

Sunday, July 16, 2017

பாதை ….!

ஆசையின் பாதை அலைக்கழிக்கும் 
குற்றத்தின் பாதை குறுகுறுக்கும்
பொறாமையின் பாதை அழிவாகும் 
வெறுப்பின் பாதை பகையாகும்
அன்பின் பாதை அறமாகும்
பண்பின் பாதை குணமாகும்
முயற்சியின் பாதை வெற்றியாகும் 

Saturday, July 15, 2017

யார் மணப்பெண்?

யார் மணப்பெண்?

       அப்துல் கரீம்    

மனிதன் ஒரு கூட்டுப் பிராணி. சமூகத்துடன் கூட்டாக வாழ்வதையே விரும்புபவன். மற்ற மனிதர்களின் தொடர்பில்லாமல் தனிமையில் வாழ வேண்டும் என எந்த ஒரு மனிதனும் எண்ணுவதில்லை. தனது தனிமையை தவிர்ப்பதற்காக திருமணம் செய்து, குழந்தைகள் பெற்று சமூகத்துடன் தன்னை ஐக்கியமாக்கிக் கொள்கிறான்.

அனைத்து மனிதர்களும் திருமணத்தை விரும்பவே செய்கிறார்கள் என்றிருந்தாலும் துறவறம் என்ற பெயரில் யாரும் திருமணம் செய்யாமல் இருக்கக் கூடாது என இஸ்லாம் போதிக்கின்றது.

ஒவ்வொரு மனிதரும் கண்டிப்பாக திருமணம் செய்ய வேண்டும் என இஸ்லாம் கூறுவதோடு, திருமணத்தைப் புறக்கணித்து துறவி வேடமிடுபவர்களை வன்மையாகக் கண்டிக்கின்றது.

Thursday, July 13, 2017

நிலையானவனே, நிலைமைகளை மேம்படுத்திச் சமுதாயத்திற்கு நிம்மதியை அருள் செய்வாய்...

இறைவா,
இன்னமைதி (இஸ்லாம்)மார்க்கத்தை எல்லாருக்கும் பொதுமைப்படுத்திப் பூரித்தாய்....
பகைவருக்கும் அருளாய்த் திகழும் பண்பாளரை -அண்ணல்நபி(ஸல்) அவர்களை-அகிலங்களுக்கெல்லாம் அருட்கொடையாய் அளித்து உவந்தாய்...
நாநிலத்தாருக்கொரு நல்லுபதேசமாய் இறுதித் திருமறையாகப் புனிதக் குர்ஆனைக் கொடுத்துப் புகழுற்றாய்...
மனிதனுக்குப் பகுத்தறிவும் சுதந்திரமும் கொடுத்து அவனை மாண்புமிகு மனிதனாக்கினாய்....

இனிய திசைகள்

பேரன்புடையீர்,
அஸ்ஸலாமு அலைக்கும் (வரஹ்.வப.)
இறையருள் நம் அனைவர்மீதும் பொலிவதாக...​
இனிய திசைகள் ​
​ஜூன்​'2017 இதழைப் படிக்க அட்டைப் படதின்மீது  “CLICK"செய்க....
 தங்கள் வசதிக்காக PDF இணைப்பும் உள்ளது.

Wednesday, July 5, 2017

படைப்பின் விசித்திரம்...!

இரண்டாம் வகுப்பு பயின்ற வேளையில் தமிழ் புத்தகத்தில் படித்த பாட்டு இது! அதற்கு கதை வடிவம் கொடுக்கிறேன்! அதோடு இந்த பாட்டை அழகாக படித்து காண்பித்து இன்றளவும் இந்த பாட்டின், கதையின் சாரம் என்னுள் நின்று நிலைத்திருக்க காரணமான ஆசிரியை பெருந்தகை மணிமேகலை அவர்களை நன்றியுடன் பெருமிதம் கொண்டு நினைவு கூறுகிறேன்..!
வணிகர் ஒருவர் தனது வணிக பொருள்களை எல்லாம் வியாபாரம் செய்துவிட்டு மதிய வேளையில் தான் கொண்டு வந்த உணவை ஒரு அரச மரத்தடியின் கீழ் அமர்ந்து உண்கிறார். அப்போது அவர் அமர்ந்திருந்த இடத்தின் அருகே ஒரு காய்கறி தோட்டம்! அதில் நன்கு பெருத்த பூசணிக்காய் ஒன்று விளைந்து அதன் கொடியின் அடியில் இருந்தது!

Monday, July 3, 2017

ஒலியின் சப்தத்தை குறைத்துக் கொள்வது நம் அனைவருக்கும் நல்லது.

அனைவரிடத்திலும் செல் போன்கள் உள்ளது. அலாரங்களும் வீடுகளில் உள்ளது. எனவே  ஒலி அளவுகளை குறைத்துக் கொண்டு மற்ற மதத்தவர்களின் அசௌகரியங்களுக்கு மதிப்பு கொடுக்கலாம். பரீட்சை நேரங்களில் மாணவர்கள் பாதிக்கப்படுகிறார்கள். வயதானவர்களுக்கும் இதனால் சிரமங்கள் ஏற்படுகிறது. இதனை அனைத்து மதத்தவர்களும் கடைபிடித்தால் நல்லது.

சில முஸ்லிம் கிராமங்களில் மவுலூது என்ற பேரிலும் ராத்தீப் என்ற பேரிலும் பயான் என்ற பேரிலும் கூம்பு வடிவ ஸ்பீக்கர்களில் விடிய விடிய அதிக சப்தத்தோடு ஒலிபரப்புகிறார்கள். ஒலியின் சப்தத்தை குறைத்துக் கொள்வது நம் அனைவருக்கும் நல்லது.

Wednesday, June 28, 2017

காஃபிர் என்பது இழிசொல்லல்ல

முஸ்லிம் அல்லாதோரை இஸ்லாம் காஃபிர் என்று இழிவுபடுத்துகிறது எனச் சிலர் குற்றஞ்சாட்டுவதுண்டு.
காஃபிர் என்பதன் பொருள் இறை நிராகரிப்பு என்றுதான் நான் இதுவரை நினைத்திருந்தேன். அதன் வேர்ச்சொல் எப்படியெல்லாம் குர்ஆனில் பயன்படுத்தப்பட்டுள்ளது என விளக்கி காஃபிர் என்பது இழிசொல்லல்ல என்கிறார் Abdurrahman Umari. அவரின் பதிவு இங்கே...
மறைப்பதும் மூடிவைப்பதும் மனித வாழ்க்கையில் அன்றாடம் தொடர்கின்ற நிகழ்வுகள்.
.
மனிதன் தன்னோடு தொடர்புடைய அனைத்தையும் மூடி வைக்கவே ஆசைப்படுகிறான். தனது வருமானத்தை மூடிவைக்கிறான், தன்னைப் பற்றிய உண்மைகளை மூடி வைக்கிறான். தனக்காக சமைக்கப்பட்ட உணவுகளையும் மூடி வைக்கிறான். தனது அழகையும் மூடி வைக்கிறான்.
.
ஏன், உங்கள் அழகையும் அலங்காரத்தையும் ஊர்உலகிற்குக் காட்டாமல் மறைத்தே வைக்கின்றீர்கள் என தொடர்ந்து முஸ்லிம் பெண்களைப் பார்த்து கேள்விகள் எழுப்பப்படுகின்றன.

Tuesday, June 27, 2017

பெருநாள் குத்பா செய்தி - இறை அச்சம் !

மனிதர்கள் அறிவியலில் படிப்படியாக முன்னேறினாலும் நல்லொழுக்க விஷயங்களில் முன்னைவிட இன்னும் இன்னும் மோசமாகவே இருக்கிறான்.. கருணை கொலை, சாதீய கொலை , பணத்திற்காக கொலை , நூதன கொள்ளைகள் ,திருட்டுகள்,பாலியல் அராஜகங்கள், பணம் பதவிக்காக, மதவெறிக்காக அரசியல் சதிகள் , ஓரின திருமணங்கள் , வக்கிரமான உடை நாகரீகங்கள் என ஒழுக்க செயல்கள் படு மோசமாகவே உலகம் முழுவதும் நடைபெற்று வருகிறது ... இதனை வெறும் சட்டங்கள் போட்டு சரி செய்ய முடியவில்லை ... இங்குதான் இஸ்லாமிய மார்க்கம் மனிதர்களுக்கு வழி காட்டுகிறது ..

ரமளான் பிரிந்தது ....

ரமளான் பிரிந்தது ....
கடின இலக்குகளின் 
சவாலை வென்ற 
அகில முஸ்லீம்களுக்கு
ஷவ்வாலை பரிசளித்து 
ரமளான் பிரிந்தது ....
ஆசைகள் மிதக்கும் 
மனசெனும் நதிகளில் 
நீந்துகிற சலனங்கள் 
சிந்தனையோடு கலந்து 
பாவங்களை தூண்டுகிற 
விடயங்களை தடுத்து 
ஷைத்தான் வரைந்த 
தடயங்களை அழித்தது ...

மரணத்திற்கு பின்னால்!

மரணம் நிகழ்வதாலேயே பிறப்பும் கூட
உயிர் பெறுகிறது.பெருமை கொள்கிறது.
மரணம் இல்லை என்றால் பிறந்து என்ன பயனும் இல்லை.
சாவுக்குப் பின் ஒரு மனிதனை தொடர்வது எது?
முகமது நபி அவர்களிடம் இந்த கேள்வி எழுப்பப் பட்டது.
நபிகளார் பதில் உரைத்தார்கள்
1.கொடை (charity)
பிறருக்காக வாரி வழங்கிய தான தர்மம்
2.அறிவு (knowledge)
பிறரை நல்வழி படுத்த உதவிய
நல்லறிவு
3.வணக்க வழிபாடு (prayer)
இறந்தவனுக்காக அவன் குழந்தைகள் நிகழ்த்தும் நல் பிரார்த்தனை.


Vavar F Habibullah
ஈகைத் திருநாள் வாழ்த்துக்கள்

டென்சன் ....!

'நான் டென்சன்ல இருக்கேன்' இப்படி சொல்லாதவர்களே இப்போதெல்லாம் இல்லை எனலாம்.
பள்ளிக்கு செல்லும் பாலகரில் தொடங்கி மகளிரும் பணிஓய்வு
பெற்றவர் வரையும் சொல்கிறார்கள் 'நான் டென்சன்ல இருக்கேன்' .
நமது பாட்டா பாட்டியோ தாய் தந்தையோ கூட இப்படி சொல்லிக் கேட்டதில்லை.
ஏன் இப்படி இப்போது?

ஒரு தெருவில் இருவர்... எனில் உலகம் முழுதும்???

நான் வசிக்கும் ஏரியாவில் ஒரே தெருவில் கடை வைத்திருக்கும் இருவர்... தென் தமிழகத்தைச் சேர்ந்தவர்கள்...
ஏதேச்சையாய் பேசும் பொழுது ரமதானுக்கு ஊருக்கு எப்ப போறீங்கன்னு கேட்டேன்... ஒரே நேரத்தில் இருவரிடமும் கேட்க வில்லை.. வேறு வேறு நாட்களில் கேட்டேன்...
இந்த வருஷம் போகல பாய் என்றார்கள்.. ஏன் என்னாச்சு என்றேன்... ஊருக்கு போனா 5000,6000 ரூபாய் செலவு ஆகும், அதை அனுப்பி வச்சா வீட்ல பெருநாளுக்கு பயன்படும் அதான் போகவில்லை என்றார்கள்... நான் அப்டியே ஸ்டன் ஆகிட்டேன்...
அதன்பின் நான் யாரிடமும் ஊருக்கு போறீங்களான்னு கேட்கவே இல்லை.. இந்த கனமே போதும்.. இனி தாங்க முடியாதுன்னு கேட்கிறதை விட்டுட்டேன்...
உள்நாட்டிலும், வெளிநாடுகளிலும் இதே போன்ற ஏராளமான சகோதரர்களைக் கொண்ட சமூகம் தான் இஸ்லாமிய சமூகம்... காலம் முழுதும் சம்பாதித்தாலும் ஒரு நல்ல நாட்கள், விஷேங்களுக்கு அவர்களால் போக முடியவில்லை... தங்களை வருத்திக் கொண்டு, தங்கள் ஆசைகளை அடக்கிக் கொண்டு தங்கள் குடும்பத்தினர் சந்தோஷத்திற்காக தங்கள் வாழ்வை அர்பணிக்கிறார்கள்...

ஈகை போய்விடுமா இன்றோடு..!

நோன்பை நோற்று பெருநாளையும் கொண்டாடிவிட்டோம்!
இதோடு நின்று போய்விடுமா நாம் கொண்ட ஈகை..?
இல்லை...! இனி அடுத்த வருடம் வரை நாம் உயிர் பெற்றிருந்து இப்பெருநாள் வரும்போது மட்டுமே மீண்டும் துளிர் விடுமா..?
அப்படி இன்றோடு அடங்கி அடுத்த முறை மட்டும் உயிர்த்தெழுவது மட்டுமே ஈகையல்ல!
இந்த உலகில் மனிதனும் அவன்தன் மனிதமும் உள்ள நாளெல்லாம் நின்று நெடுந்தூரம் பயணிப்பதுவே ஈகை!
பணமும் பொருளும் மட்டும் என்பதே ஈகையின் வரையறையோ அடையாளமோ அல்ல!

Monday, June 26, 2017

மல்லிகைப்பூச் சூடிய ஹூருலீன்களும் சதுப்பு நிலத்தில் புதைந்த பாதச்சுவடுகளும் #நிஷாமன்சூர்

ஈத்பெருநாள் சிறப்பு கவிதை....
மல்லிகைப்பூச் சூடிய ஹூருலீன்களும் சதுப்பு நிலத்தில் புதைந்த பாதச்சுவடுகளும்
#நிஷாமன்சூர்
சீத்தலைச் சாத்தனாரின் ஆணி நுனியில் கற்றுக்கொண்டோம்
எம் தாய்மொழியின் கூர் வன்மையை.
அரபுமொழியில் இறைமறையை ஓதும்போதும்
அதன் ஆழ அகலங்கள் குறித்து
எம் தமிழின் ஒளியில்தான் சிந்தித்துத் தெளிந்தோம்
உமர்கய்யாமின் கோப்பையில் ததும்பிக்கொண்டிருக்கும் ஞானத்தை மிடறுமிடறாய் அருந்தி
ஆசான் ரூமியின் நெற்றிக்காய்ப்பு பதிந்த தொழுகைப்பாயில் தந்திரம் விற்றுப் பேரின்பம் யாசித்துக் கொண்டிருக்கிருந்தபோதும்
எமது வேர்கள் யாதனின் யாதனின் நீங்கியான் நோதலில் ஆழப்புதைந்து புரிதலில் ஒளிர்ந்தன.

Sunday, June 25, 2017

எட்டயபுரத்தில் உமறுப்புலவர் மணிமண்டபம்

திருச்செந்தூர் செல்வதற்காக தூத்துக்குடி வழியாக சென்றோம்.  எட்டயபுரத்தில் பாரதியார் மணிமண்டபமும், பாரதியார் பிறந்த வீட்டையும் பார்த்தோம்.  அதை அடுத்த பதிவில் எழுதுகிறேன்.

எட்டயபுரத்தில் ‘உமறுப்புலவர் மணிமண்டபம்” அருமையாக அரசினரால் கட்டப்பட்டு பராமரிக்கப் பட்டு வருகிறது.  பாரதியார் வீடு இருக்கும் தெருவின் அருகில் அமைந்திருக்கிறது.  வழி காட்டும் பலகை சாலையில் இருக்கிறது.அங்கு எடுக்கப்பட்ட புகைப்படங்களை தொகுத்திருக்கிறேன்.

Friday, June 23, 2017

ஒரு மார்க்கம் என்பது யாதெனில்

ஒரு மார்க்கம் என்பது
யாதெனில்
வாழ்வைச் சீர் செய்யும்
அறநெறிச் சட்டங்கள்
அமல் படுத்தும் திட்டங்கள்

நியாயங்களுக்குப் பாதுகாப்பு
தர்மங்களுக்கு அரண்

Thursday, June 22, 2017

வந்ததே ரமழான் !

நிலாக் கீற்றின் உதய தரிசனத்தில்
வான விழிகள் கிறங்கிக் கிடக்க.-எம்.
"கல்பின்" கறை கழுவிடத்தான்
மாண்போடு வந்ததே புனித 'ரமழான்!

"திக்ர்" செய்தே  இறையோ னிறைஞ்சி...
"இறையில்லம் தனை நோக்கி சிரந்தாழ்த்தி..........
திருமறையின் நேசிப்பிலெம்
வாழ்வைப் பொருத்தி - நிதம்
இறையோ னன்பில் வீழ்ந்து கிடக்க...........
வந்ததே ரமழான்..................
தந்ததே மாண்பு பல!

Wednesday, June 21, 2017

நோன்பு கஞ்சியும் சஹர் உணவும் ....

Abdul Gafoor
இனியவர்களே
அஸ்ஸலாமு அலைக்கும் (வரஹ்)...

தணியாத வெயிலின் பணியாத தாக்குதலோடு நிறைவேறிய இருபத்தைந்தாம் நோன்பு திறக்கும் நிகழ்வு இறையருளால் நேற்று (20.06.2017) அல் மஸ்ஜிதுல் அஸ்ரப் பள்ளிவாசலில் குதூகலமாய் நிகழ்ந்தேறியது ...
நோன்பு திறந்ததும் இஞ்சி கலந்த மசாலா தானியங்களோடு காய்ச்சிய கஞ்சி நிரப்பிய கொட்ராவை கரங்களால் தூக்கி உதடுகளால் சர்ரென்று உறுஞ்சி அருந்துகையில் உற்சாகம் மிஞ்சி மணமும் சுவையும் நம்மோடு கொஞ்சி நமது வயிற்றுப் பகுதியின் சுவாச பாதைகளை ஆசுவாசப்படுத்துகிறது என்பது மறுக்க இயலாத உண்மை ....

லைலத்துல்கத்ர் ! / !Abu Haashima

லைலத்துல்கத்ர் !
 ரமளானைப் பற்றிய மினி தொடரின் இன்றைய அத்தியாயம் ...
#லைலத்துல்கத்ர் !
ரமளானின் மாபெரும் கொடையாக இறைவன் வழங்கி இருக்கும்
வியத்தகு பரிசு லைலத்துல் கத்ர் என்னும் இரவு !
இந்த இரவு எத்தனை சிறப்பு வாய்ந்தது என்பதை வர்ணிக்க வார்த்தைகளே இல்லை .
ஏனென்றால் ...
" கடலை மையாகவும் உலகத்திலுள்ள மரங்களை எல்லாம் எழுதுகோலாகவும் ஆக்கி
அருள்மறை குர் ஆனுக்கு விளக்கம் எழுத முற்பட்டாலும் அதனை
எழுதி முடிக்க முடியாது ".
என்று இறைவன் கூறுகிறான்.
அப்படிப்பட்ட இறைவேதம் குர் ஆன் இந்த இரவில்தான் நபிகள் பெருமானார் ( ஸல் ) அவர்களுக்கு அருளப்பட்டது.

மதநல்லிணக்கம் & போற்றுதலுக்குரிய இந்த அன்பும்

Mohamed Ashik
:படங்களும் செய்தியும்  Rehannisha Ammaponnu


டாக்டர் சந்திரசேகரன் அவர்களின் எலும்பு முறிவு மருத்துவமனை. இடம் : கும்பகோணம்.

இங்கே, மருத்துவரை காணச்சென்றால்... பெயர் பதிந்த உடனேயே, "நீங்க நோன்பா?" என்று செவிலியர்களால் வினவப்பட்டு "ஆம்"எனில் டோக்கன் வரிசை காத்திருப்பு ஏதும் இல்லாமல் உடனடியாக (நெக்ஸ்ட் பேஷண்ட்டாக) மருத்துவரை சந்திக்க முஸ்லிம்கள் அனுமதிக்கப்படுகிறார்கள்.

நீண்ட நேரம் முன்னரே வந்து பெயர் பதிந்து டோக்கன் வரிசை எண் பெற்று காத்திருக்கும் பிற சமய சகோதரர்களின் கேள்விப்பார்வைக்கு விடையாக, கட்டி தொங்கவிட்டிருக்கும் இந்த அறிவிப்பை காட்டுகிறார்கள்.

Tuesday, June 20, 2017

ரமளானின் சிறப்புகளைப் பற்றிய மினி தொடரில் இதுவரை ...


ரமளானின் சிறப்புகளைப் பற்றிய மினி தொடரில் இதுவரை ...
நோன்பு முதல் பிறை பார்த்தல்
தராஹ்வீஹ் தொழுகை
ஹிஸ்பு ஓதுவது
ஸகர் உண்ணுவது
நோன்பு பிடிப்பது
நோன்பு திறப்பு இப்தார்
இஹ்திகாப்
ஆகியவற்றை எழுதி இருந்தேன் .
இன்று ...
இடம்பெறுவது
தவ்பா !
விடிந்தது முதல்
பொழுது அடைவது வரை
மனிதர்களைச் சூழ்ந்து நிற்பது
பாவங்களே !

Sunday, June 18, 2017

அப்ரஹா / Abu Haashima

அப்ரஹா
*********
#அபிசீனிய_சக்கரவர்த்தியின்
யெமன் நாட்டு ஆளுநராக இருந்தவன் #அப்ரஹா.
மக்காவிலிருந்த கஃபாவை தரிசிக்க மக்கள் கூட்டம் கூட்டமாகச் சென்று வருவதை பொறுக்க முடியாத இவன்
தன் தலைநகர் சன்ஆவில்
#காலிஸ் எனும் பிரம்மாண்ட ஆலயம் ஒன்றை கட்டி எழுப்பினான்.
கஃபாவுக்குச் செல்லும் மக்களை
காலிசுக்கு திரும்ப வைப்பதே
தனது லட்சியம் என்றும் அறிவித்தான்.
ஒருநாள் நுபைல் என்பவன் காலிஸ் ஆலயத்தில் ஓரிரவைத் தான் கழிக்க விரும்புவதாகக்கூறி அனுமதிபெற்று
அங்கே மலஜலம் கழித்து விட்டு ஓடிவிட்டான்.

ஒரு மார்க்கம் என்பது யாதெனில்

ஒரு மார்க்கம் என்பது
யாதெனில்
வாழ்வைச் சீர் செய்யும்
அறநெறிச் சட்டங்கள்
அமல் படுத்தும் திட்டங்கள்

நியாயங்களுக்குப் பாதுகாப்பு
தர்மங்களுக்கு அரண்

“தமிழ்நாடு கலாச்சார பேரவை” நடத்திய இஃப்தார் நிகழ்ச்சி

அமீரகவாழ் தமிழ் மக்களிடையே பல்வேறு நலப்பணிகளில் ஈடுபட்டுவரும் “தமிழ்நாடு கலாச்சார பேரவை” சார்பாக வருடந்தோறும் இஃப்தார் – நோன்பு திறப்பு நிகழ்ச்சி நடத்தப்பட்டு வருகிறது. இவ்வருட இஃப்தார் நிகழ்ச்சி ரமழான் பிறை 21, வெள்ளிக்கிழமை அன்று, துபை கிராண்ட் சென்ட்ரல் ஹோட்டலில் சிறப்பாக நடைபெற்றது.

Saturday, June 17, 2017

ஒழுங்கும் கட்டுப்பாடும் இணையும் புள்ளியில்தான் கட்டுக்கோப்பானதொரு சமூகம் மலரும்

ஒழுங்கும் கட்டுப்பாடும் இணையும் புள்ளியில்தான் கட்டுக்கோப்பானதொரு சமூகம் மலரும்

[ இஸ்லாமிய தஃவா அமைப்புக்கள், முஸ்லிம் சிவில் அமைப்புக்கள் தமக்கிடையில் ஒரு புரிந்துணர்வுக்கு வர வேண்டும். இவ்விடயத்தில் கை கோர்த்து செயற்பட வேண்டும். கருத்து வேறுபாடுகள் நிலவுவதில் தவறில்லை. ஆனால், முரண்பாடுகளும் பிளவுகளும் வரக் கூடாது.

தத்தமது தளங்களில் இருந்து கட்டுக்கோப்பானதொரு சமூகத்தை உருவாக்கும் முயற்சியில் ஈடுபட வேண்டும். யாருடைய இயக்கம் பிரபல்யம் அடைய வேண்டும், சமூகத்தில் கூடுதல் அங்கீகாரம் யாருக்கு கிடைக்கிறது... போன்ற போட்டா போட்டிகள் இருக்கக் கூடாது.

Wednesday, June 14, 2017

விழிப்புணர்வு நேரமிது!

பொருளாதாரச் சீர்திருத்தம், தாராளமயம் என்கிற பெயரில் யாரும் எதை வேண்டுமானாலும் செய்து மக்கள் நலனையும், நாட்டு நலனையும் காற்றில் பறக்கவிட்டுக் கொள்ளையடித்துக் கொள்ளலாம் என்கிற நிலைமை ஏற்பட்டுவிட்டிருக்கிறதோ என்று தோன்றுகிறது. அரசியல்வாதிகளுக்கும், அதிகார வர்க்கத்தினருக்கும் விலை நிர்ணயிக்கப்பட்டிருப்பதுடன், விலைபோகாதவர்கள் யாருமே இருக்க முடியாது என்கிற மனோநிலையும் தொழில் நிறுவனங்களுக்கு ஏற்பட்டிருக்கிறது என்பதுதான் அதைவிடப் பெரிய ஆபத்தாகத் தெரிகிறது.

Tuesday, June 13, 2017

இறைவைனிடம் கை ஏந்துவோம்!


புனிதமிகு ரமலான் மாதத்தின் முதல் பத்து நாட்களை நிறைவு செய்துவிட்டு அடுத்த பத்தில் இருக்கின்றோம்.  இறைவனின் அருட்கொடையின் பத்து என்று இறைத்தூதரால் வர்ணிக்கப்பட்ட முதல் பத்து நோன்புகளில் நாம் பசித்து, தாகித்திருந்ததற்கு இறைவன் அவனது அருட்கொடைகளை முழுமையாக நமக்குத் தந்தருள்வானாக என்ற பிரார்த்தனையுடன்...
ரமலான் மாதமே பாவங்களுக்கான பரிகாரமாகவே அமைகின்றது. ஆனாலும் நபிகள் நாயகம் ஸல்லல்லாஹு அலைஹி வஸல்லம் அவர்கள் ரமலானின் இரண்டாவது பத்தினை பாவ மன்னிப்பிற்கான பத்தாக அறிவித்து இந்தப் பத்து நாட்களில் அதிகம் இறைவனிடம் பாவமன்னிப்புக் கேட்டு மீள வலியுறுத்தியுள்ளார்கள்.

Monday, June 12, 2017

கேரளத்தில் இஸ்லாமிய மக்கள் நெருக்கமாக வசிக்கும் மாவட்டங்களில் மலப்புரமும் ஒன்று

கேரளத்தில் இஸ்லாமிய மக்கள் நெருக்கமாக வசிக்கும் மாவட்டங்களில் மலப்புரமும் ஒன்று
அங்கே உள்ள சின்னஞ்சிறு கிராமம் புன்னதாலா . பல மசூதிகளுக்கு மத்தியில் அங்கே சிறிய இந்து கோயில் ஒன்றும் இருக்கும்.. புன்னதலாவில் வசிக்கும் இந்து மக்களுக்கு, இதுதான் ஒரே வழிபாட்டுத்தலம். 100 ஆண்டுகள் பழமையான இந்தக் கோவிலில், நரசிம்ம அவதாரத்தில் அருள்பாலிக்கிறார் விஷ்ணு
ஆனால் ஒரு கட்டத்தில் கோவில் கூரை இடிந்து சுவர்கள் விழுந்து தகர்ந்து போனது அந்தக்.கோவிலைசீரமைத்துக் கட்டவேண்டும் என்பது இந்து மக்களின் நீண்டநாள் ஆசையாகஇருந்தது
பல்வேறுவகையில் முயற்சித்தும் முடியாமல் போனதால், சீரமைப்புப் பணியை கிட்டத்தட்ட கைவிட்டுவிட்டனர்

Thursday, June 8, 2017

நெஞ்சுநிறை மாண்புக் கஞ்சி

பிச்சைக்காரரின்
நெளிந்த பாத்திரத்தில் ஊற்றப்படுவதே
பணக்காரரின்
வெள்ளிப் பாத்திரத்தை நிறைக்கும்
அமுதமாகிறது

அது எது?

உடல்நலமில்லா முதியவரின்
நடுங்கும் கரங்களின்முன்
வைக்கப்படுவதே
ஆரோக்கியமான இளைஞனின்
துடிப்பான விரல்கள்
தாவியெடுக்கும்
அருசுவையாகிறது

அது எது?

Thursday, June 1, 2017

இறைச்சிக்காக மாடு விற்பது தொடர்பான வழக்கில் தடையாணை: ஒரே நாளில் பிரபலமான செல்வகோமதி

இறைச்சிக்காக மாடு விற்பது தொடர்பான வழக்கில் தடையாணை: ஒரே நாளில் பிரபலமான செல்வகோமதி: ஒருவர் என்ன உணவு சாப்பிட வேண்டும் என்பதை முடிவு செய்வது அவரின் தனிப்பட்ட உரிமை. அதை கட்டாயப் படுத்தக்கூடாது

மத்திய அரசின் மாடுகள் விற்பனை தொடர்பான உத்தரவுக்கு தடை யாணை பெற்றதன் மூலம் ஒரே நாளில் நாடும் முழுவதும் பேசப் படும் நபராகியுள்ளார் மதுரையைச் சேர்ந்த வழக்கறிஞர் எஸ்.செல்வ கோமதி.

Sunday, May 28, 2017

கடமைகள் ஐந்தில் ஒன்று

‘கரையேறாத அகதிகள்’-அபூஷேக் முஹம்மத்

இந்நூல் குறித்து.....

வரலாறு என்பது உண்மை நிகழ்வுகளின் பிரதிபலிப்பு. அது நமக்கும் ஒரு படிப்பினை. நமது அடுத்து தலைமுறைக்கும் ஒர் அரிய பாடம். அதில் கற்பனை கலப்பு கூடாது. உண்மை திரிபும் கூடாது. நடந்தவை நடந்தவையாக இருக்க வேண்டும். நடுநிலை பிரளா மணம் வேண்டும். இத்தகைய சீரிய வரையறையோடு தமிழ்கூறும் நல்லுலகிற்கு என் அன்புச் சகோதரர் அபூஷேக் முஹம்மத் எழுதிய ‘கரையேறாத அகதிகள்’ நூல் வெளிவந்திருப்பதாக நான் கருதுகிறேன்.

பணிகளில் தங்களை ஈடுபடுத்திக் கொள்ள விரும்பும் தன்னார்வ தொண்டர்கள்

துபாய் ஈமான் அமைப்பு வழங்கி வரும் நோன்பு கஞ்சி விநியோகப் பணிகளுக்கு தன்னார்வ தொண்டர்கள் தேவை

துபாய் ஈமான் கல்சுரல் செண்டர் தமிழகத்து சுவை மிக்க நோன்புக் கஞ்சியை துபாய் தமிழ் பஜாரில் உள்ள லூத்தா ஜாமிஆ மஸ்ஜித் என்றழைக்கப்படும் குவைத் பள்ளி, பிரிஜ் முராரில் உள்ள லத்திபா பள்ளி மற்றும் ஈடிஏ அஸ்கான் பின்புறம் உள்ள பள்ளிவாசல் ஆகியவற்றில் நோன்புக் கஞ்சி விநியோகிக்கும் பணியினை தன்னார்வ தொண்டர்கள் மூலம் ஒருங்கிணைத்து வருகிறது.
இந்த பணிகளில் தங்களை ஈடுபடுத்திக் கொள்ள விரும்பும் தன்னார்வ தொண்டர்கள் ஈமான் அமைப்பினை தொடர்பு கொள்ளலாம்.

தொடர்புக்கு : 050 51 96 433 / 050 658 9305

rom: Muduvai Hidayath <muduvaihidayath@gmail.com>

Thursday, May 18, 2017

மறுமணம்:

இது பொதுவாக தமிழகத்தில் பரவலாக பேச்சு வழகத்தில்தான் இருக்கிறது. நடைமுறையில் பழகத்தில் வந்தால் நாட்டில் பல பிரச்சினைளுக்கு தீர்வுகள் கிடைக்க வாய்ப்பு உள்ளது. நடைமுறை என்பது இளம் தம்பதியினர்களில் எதாவது குடும்ப பிரச்சினை காரணமாக ஏற்படும் பிரிவினையில் மணமகன் உடனே மறுமணம் செய்து கொள்கிறான். ஆனால் நம் தமிழக பெண்கள் மறுமணம் செய்ய அவர்கள் மனது உகந்ததாக இல்லை. காரணம் குடும்ப நிலைகளை கருத்தில் கொண்டு வேண்டாம் யென கூறி பிறகு மனதால் துயரம் அடைந்து கொண்டு இருக்கிறார்கள்.

Sunday, May 14, 2017

பெயரும் பிறந்த நாளும்...

1958ஆம் ஆண்டின் மே மாத்த்தின் கடைசி் பகுதில் ஒருநாள்.கோடைவிடுமுறை முடிந்து பள்ளிகள் திறப்பதற்குச் சில நாட்களே இருந்தன.வாப்பா தனது குட்டியாப்பாவிடம்(எனக்கு சின்னவலியாப்பா) சொன்னார்.
குட்டியாப்பா! பள்ளிகொடம் தொறக்க நாளாயாச்சு.நான் கச்சவட காரியமா புனலூர் போவணும்.மோனெ பள்ளிகொடத்துல் ஒண்ணு சேத்து உட்டுரணும்.
ம்ம்...செரி.நாளைக்கி திங்களாச்சா தானே இன்ஷா அல்லா சேத்துரலாம்.நீ பரகத்தா பொய்ட்டு வா.

அஸ்ஸலாமு அலைக்கும் என்றால்


Padmanabhamn Sivathanupillai
>>>அஸ்ஸலாமு அலைக்கும் பற்றித் தெரிய வில்லை, வணக்கமென்பது பணிவோடுகூடிய, பாசத்துடன்கூடிய, உடன்பாடு. இது மற்றெதுவோடும்
பொருந்துவதாகத் தெரியவில்லை<<<

அஸ்ஸலாமு அலைக்கும் என்றால்
சாந்தியும் சமாதானமும் உண்டாகுக
என்று பொருள்

அதாவது
அன்பும் அமைதியும்
மன உடன்பாடும் நிறைக
என்று பொருள்

நான் சவுதி அரேபியாவில்
வாழ்ந்திருந்த நாளில்
ஒரு வாடிக்கையாளர்
கடுங்கோபத்தில் வந்து
காட்டுக் கத்தாகக்
கத்தத் தொடங்கினார்

Tuesday, May 9, 2017

அறிவுக்குத்தான் எத்தனை அழகு ! / அபு ஹ்ஷீமா வாவர்

காஜா முஹைதீன் பாகவி
ஒருமுறை கலீபா உமர் ( ரலி ) அவர்கள் நண்பர்களோடு அமர்ந்து பேசிக் கொண்டிருந்தார்கள். அங்கே ஹுதைபத்துல் யமான் என்ற நபித் தோழர் வந்தார். அவர் அண்ணல் நபி ( ஸல் ) அவர்களின் அந்தரங்க காரியதரிசியாக இருந்தவர். கலீபாவின் மரியாதைக்கு உரியவர்.
அவரைக் கண்டதும் " வாருங்கள் ஹுதைபத்துல் யமான் அவர்களே ! எப்படி இருக்கிறீர்கள் ?" என்று உமர் ( ரலி ) அவர்கள் நலம் விசாரித்தார்கள்.
" நலமாக இருக்கிறேன் " என்ற ஒரே வார்த்தையில் பதிலை முடிக்காமல்......
" கலீபா அவர்களே...நான் பித்னாவை நேசிக்கிறேன்
ஹக்கை வெறுக்கிறேன்
ஒளுவில்லாமல் இபாதத் செய்கிறேன்
அல்லாஹ்விடம் இல்லாததை பெற்றிருக்கிறேன் "
என்று ஹுதைபத்துல் யமான் சொன்னார்.

Monday, May 8, 2017

கீறிக் கிழிக்கும் அறுவை சிகிச்சைக்கு வித்திட்ட இஸ்லாம்


      முஹம்மத் பகீஹுத்தீன்    

மருத்துவ துறையில் முஸ்லிம்கள்

மருத்துவத் துறைக்குப் பங்காற்றிய அறிஞர்கள்

மருத்துவ துறையை ஊக்குவித்த இஸ்லாம்

மருத்துவத் துறையில் பெண்கள்

பெண்கள் ஆண்களுக்கு சிகிச்சையளித்தல்

சத்திர சிகிச்கைக்கு முஸ்லிம்களின் பங்களிப்பு

மருத்துவம் வெறும் உடம்புக்கு மாத்திரம் அல்ல

படைப்பினங்களில் மாற்றம் செய்தல்

பிளாஸ்டிக் அறுவை சிகிச்சை

கீறிக் கிழிக்கும்  அறுவை சிகிச்சைக்கு  வித்திட்ட இஸ்லாம்

      முஹம்மத் பகீஹுத்தீன்    

Thursday, May 4, 2017

யாருக்கு யார்மேல் பயம் ?

ஒரே குழுவாக செயல்பட்டு ஒன்றுக்குள் ஒன்றாக இருந்துகொண்டு அராஜகங்கள் அநியாயங்கள் அனைத்திலும் பங்குபெற்றுவிட்டு பலனையும் பெற்று அனுபவித்து ருசிகண்ட பூனையாய் அத்தனையும் தனக்கேவேண்டுமென எழும் பேராசையால் வரும் பிரிவுகள் காலம் காலமாக மனிதர்களிடையே அழிவுகளை ஏற்படுத்தியிருப்பது சரித்திரங்கள் சொல்லும் உண்மை. அதை நாம் வாழும் காலத்தில் பன்னாட்டு அரசியலில் பார்வையாளனாக பார்த்ததுபோல் இப்போது அதே அரசியலில் பாதிக்கப்பட்டவனாக தமிழன் இன்று இருக்கிறான்.

அமீரகத்து வெயிலும், உடலுழைப்புத் தொழிலாளர்களின் வாழ்க்கையும்

இந்தியாவில் கோடை காலத்தில் வெயில் கொடுமை தாளாமல் இறப்பவர்களின் எண்ணிக்கை ஆண்டுதோறும் அதிகரித்து வருகிறது. மொத்தமாக மக்களைக் கொல்லும் விபத்துகளைத் தடுப்பது குறித்தே நமது அரசுகள் கவலையற்று இருக்கின்றன. இதில், உதிரிச் சாவுகளைப் பற்றி மட்டும் எப்படி கவலைப்பட போகின்றன?

அமீரகத்தில் இந்தியாவை விட வெயில் அதிகம். கோடை காலத்தில் உச்சபட்சமாக 51 டிகிரி செல்சியஸ் (123 டிகிரி பாரன்ஹீட்) வரை எல்லாம் வெப்பநிலை பதிவாகும். ஆனால், வெயில் கொடுமை காரணமாக யாரும் இறப்பதில்லை. காரணம், வெயிலில் வேலை பார்ப்பவர்கள் குறித்து அமீரக அரசாங்கம் செலுத்தும் அக்கறை. கோடை காலத்தில் (ஜூன் 15 முதல் செப்டம்பர் 15 வரை) மதியம் 12.30 மணி முதல் 3 மணி வரை வெயிலில் வேலை பார்க்கும் தொழிலாளர்களுக்கு கட்டாய ஓய்வு கொடுக்க வேண்டும். அந்த நேரத்தில் தொழிலாளர்கள் ஓய்வு எடுப்பதற்கு ஏதுவாக நிழற்கூடங்கள் அமைக்க வேண்டும். இவற்றைக் கண்காணிக்க ரோந்துப் படை சுற்றிக் கொண்டிருக்கும்.


ஏதாவது ஒரு நிறுவனம் விதியை மீறி, வெயிலில் வேலை செய்ய வைக்கிறது என்றால், அவ்வாறு வேலை செய்யும் தொழிலாளர்களின் எண்ணிக்கையைப் பொருத்து அந்த நிறுவனத்திற்கு அபராதம் விதிக்கப்படும். ஆறு தொழிலாளர்கள் என்றால், ஒரு தொழிலாளருக்கு 5000 திராம்ஸ் வீதம் மொத்தம் 30,000 திராம்ஸ் ( ரூ.5,40,000 அபராதம்) விதிக்கப்படும்.

இத்தனைக்கும் அமீரகத்தில் வெயிலில் பார்ப்பவர்கள் யாரும் அந்நாட்டு குடிமக்கள் கிடையாது. இந்தியா, பாகிஸ்தான், ஆப்கானிஸ்தான், வங்காள தேசம் போன்ற நாடுகளிலிருந்து வந்த ஏழைத் தொழிலாளர்கள்தான். அவர்களை மதிய வெயிலில் வேலை பார்க்க வைக்காமல் அந்நாட்டு அரசாங்கம் பாதுகாக்கிறது.

Monday, May 1, 2017

உழைப்பைக் கற்றுக் கொடுத்த உத்தம நபி :

நபிகளாரின் சமூகத்தில் அன்ஸாரி ஸஹாபி ஒருவர் தன் தேவையைக் கூறி உதவி தேடினார். தங்களிடம் ஒன்றுமே இல்லையா? என நபியவர்கள் வினவ, முரட்டுக் கம்பளி போர்வையும், ஒரு கோப்பையும் எனது வீட்டில் இருக்கிறது எனக் கூறினார். பாதியை விரித்தும், பாதியைப் போர்த்தியும் கொள்வேன். பாத்திரத்தில் தண்ணீர் குடிப்பேன் என்றார். அதைக் கொண்டு வருமாறு நபியவர்கள் கூற, அதை அவர் கொண்டு வந்தார்.
அவ்விரு பொருட்களையும் நபியவர்கள் ஏலம்விட, ஒரு திர்ஹத்திற்கு அதை வாங்கிக்கொள்ள ஒரு ஸஹாபி முன்வந்தார். அதைவிட அதிகமாக வாங்குபவர் உண்டா? என நபியவர்கள் மூன்று முறை கூற, இரண்டு திர்ஹங்களுக்கு வாங்கிக் கொள்கிறேன் எனக் கூறி மற்றொரு ஸஹாபி அதை வாங்கிக் கொண்டார்.
பின்பு அந்த அன்ஸாரி தோழரை அழைத்து இதில் ஒரு திர்ஹத்திற்கு வீட்டிற்கு தேவைப்படும் உணவுப் பொருளையும், மற்றொரு திர்ஹத்திற்கு ஒரு கோடாரியும் வாங்கி என்னிடம் கொண்டு வாருங்கள் எனக் கூறி, அவ்விரு திர்ஹங்களையும் அந்த ஸஹாபியிடம் நபியவர்கள் ஒப்படைத்தார்கள். அவர் அவ்வாறே செய்தார். நபியவர்கள் தங்களின் முபாரக்கான கரத்தால் அந்தக் கோடாரிக்கு கணை போட்டு அவரிடம் அதைக் கொடுத்து, இதை எடுத்துச் சென்று விறகு வெட்டி சம்பாதியுங்கள்; பதினைந்து நாட்களுக்குப்பின் இங்கு வாருங்கள். அதற்கு முன்பு வர வேண்டாம் எனக் கூறியனுப்பினார்கள். அவரும் அவ்வாறே செய்தார்.

Sunday, April 30, 2017

அவங்க சொல்றதும் சரிதான்.இவங்க சொல்றதும் சரிதான்..எது தான் உண்மை..

Saif Saif

பாமரன் நம்மை ரெம்ப தான் கன்புயூஸ் பண்றாங்க இவங்க...
தாயின் காலடியில் சொர்க்கம்..நபிகள் சொன்னது..
இதற்கு தாயின் காலடியில் ஒரு சொர்க்கம் இருப்பதாக அர்த்தமாகுமா.!?.அதற்காக நாம் தாயின் கால்களை முத்தம் கொடுப்பது தவறாகுமா..!?
அப்படிச் செய்யலாமா..?
இது ஷிர்க் அல்லவா.?
ஆனால் இப்படி நம் மக்கள் யாரும் செய்ததாக தெரியவில்லையே இப்படி எல்லாம் சிந்திக்க வேண்டுமா..?
இதற்கு அர்த்தம் தாயை மதிக்க வேண்டும்,பேண வேண்டும் அவர்களுக்கு உரிய பணிவிடைகளை செவ்வனே நிறைவேற்ற வேண்டும் இவ்வாறு செய்பவர்கள் மரணத்திற்கு பிறகு சொர்க்கம் செல்வார்கள் என்ற அர்த்தத்தில் தானே நாம் அர்த்தம் எடுத்துக் கொள்ள வேண்டும்...
அடுத்து,

Tuesday, April 25, 2017

இஸ்லாமிய தீவிர வாதம் என்றால் என்ன?

Vavar F Habibullah 
இஸ்லாமிய தீவிர வாதம் என்றால் என்ன?
ஒரு குறிப்பிட்ட மதத்தைச் சார்ந்தவர்கள் மட்டுமே தீவிர வாதிகளாய் மாற காரணம் என்ன? என்னோடு நேசத்தோடு, பாசத்தோடு, அன்போடு, அபரிதமான வாஞ்சையோடு பழகிக் கொண்டிருக்கும் ஆயிரக் கணக்கான ஹிந்து, கிருத்துவ நண்பர்களின கேள்வித்தான் இது.
வைதீக ஹிந்து குடும்பங்களின் பூஜை அறைகளில் கூட என்னை அநுமதித்த ஹிந்து குடும்பங்கள் உண்டு, அதை பெருமையாக கருதியதும் உண்டு.எம்.ஜி.ஆர். அவர்களின் நண்பரும், அவர் அமைச்சரவையில் சுகாதார அமைச்சராகவும் இருந்த என் அருமை நண்பர் மறைந்த திருச்சி. சவுநதரராஜன் அவரகளுடன் பலமுறை காஞ்சி சங்கராச்சாரி சுவாமிகளையும் சந்தித்து இருக்கிறேன். முழுமையாக இஸ்லாத்தைப் பற்றி தெரிந்தவர் சுவாமிகள். ஒரு முஸ்லிம் என்பதாலேயே என்னை அவருக்கு மிகவும் பிடிக்கும்.ஒரு முறை என் அன்பு நண்பர் மறைந்த DR.ஜெயசீலன் மத்தியாஸ் அவர்களுடன், ராமச்சந்திரா மருத்துவக் கல்லூரி நிறுவனர், திரு.இராமசாமி உடையார் அவர்களை அவரது அலுவலக அறையில் சந்தித்த போது, ஒரு பெரிய பிரேம் போட்ட படம் என் கண்ணில் பட்டது. சமீபத்தில் மறைந்த திரு. பி.எஸ்.எ.றஹ்மானின் படம் தான் அது. "என் முதலாளி அவர், என்று கண்களில் நீர் மல்க உடையார் சொன்ன வார்த்தைகள் இன்னும் என் நெஞ்சை விட்டு அகலவில்லை.

நாம் யார்?


💚Assalamualaikum அஸ்ஸலாமு அலைக்கும்
1. நாம் யார்?
💚நாம் முஸ்லிம்கள்.
2. நம் மார்க்கம் எது?
💚 நம் மார்க்கம் இஸ்லாம்.
3. இஸ்லாம் என்றால் என்ன?
💚அல்லாஹ்வின் கட்டளைக்கு அடிபணிவது.
4. இஸ்லாத்தின் அடிப்படைக் கடமைகள் எத்தனை? அவை யாவை?
💚இஸ்லாத்தின் அடிப்படைக் கடமைகள் ஐந்து.
அவை கலிமா, தொழுகை, நோன்பு, ஜகாத், ஹஜ்.
5. கலிமாவை கூறு
💚 லாஇலாஹ இல்லல்லாஹு முஹம்மதுர் ரஸூலுல்லாஹ்
6. கலிமாவின் அர்த்தத்தை கூறு.
💚வணக்கத்திற்குரியவன் அல்லாஹ்வைத் தவிர வேறு யாருமில்லை, முஹம்மது நபி (ஸல்) அவர்கள் அல்லாஹ்வின் தூதர் ஆவார்கள்.
7. ஒரு நாளைக்கு கடமையான தொழுகை எத்தனை? அவை யாவை?
💚ஒரு நாளைக்கு கடமையான தொழுகை ஐந்து. அவை
சுப்ஹு, லுஹர், அஸர், மக்ரிப், இஷா
8. நோன்பு நோற்பது எப்போது கடமை?
💚ரமலான் மாதத்தின் 30 நாளும் நோன்பு நோற்பது கடமையாகும்.
9. ஜகாத் என்றால் என்ன?
💚பணக்காரர்கள், ஏழைகளுக்கு தம் செல்வத்திலிருந்து 40ல் ஒரு பகுதியை கொடுப்பது ஜகாத் ஆகும்.
10. ஹஜ் என்றால் என்ன?
💚துல்ஹஜ்ஜி மாதத்தில் மக்காவில் புனித 'காபா'வை வலம் வந்து, முக்கிய இடங்களில் தங்கி, வணக்கம் புரிவது ஹஜ் ஆகும்.
11. ஹஜ் செய்வது யார் மீது கடமை?
💚உடல் வசதியும், பண வசதியும் உடையவர்கள் மீது ஆயுளில் ஒரு முறை
ஹஜ் செய்வது கடமையாகும்.
12. ஈமான் என்றால் என்ன?
💚ஈமான் என்பது உறுதியான நம்பிக்கை ஆகும்.

Monday, April 24, 2017

சொல்லாதீர்கள்..சொல்லுங்கள்.

நாங்கள் மட்டும் தான் செய்கிறோம் என்று சொல்லாதீர்கள்...
நாங்களும் செய்கிறோம்
எனச் சொல்லுங்கள்..
எங்களால் தான் முடியும் எனச் சொல்லாதீர்கள்.எங்களாலும் முடியும் எனச் சொல்லுங்கள்..
நான் நினைத்ததால்
தான் நடந்தது எனச் சொல்லாதீர்கள்..நானும் நினைத்தேன் எனச் சொல்லுங்கள்..

Wednesday, April 19, 2017

மலப்புரம் தொகுதி இடைத்தேர்தலில் மோசமான தோல்வியால் கேரள பாஜக அதிர்ச்சி: கடுமையாக உழைத்தும் வாக்கு விகிதம் உயரவில்லை

மலப்புரம் தொகுதி இடைத்தேர்தலில் மோசமான தோல்வியால் கேரள பாஜக அதிர்ச்சி: கடுமையாக உழைத்தும் வாக்கு விகிதம் உயரவில்லை: இத் தொகுதியில் கடந்த 2014 மக்களவைத் தேர்தலில் இந்திய யூனியன் முஸ்லீம் லீக் கட்சியின் அகமது வெற்றி பெற்றார்.

மாட்டு இறைச்சி



கேரளாவில் அதிகமானோர் மாட்டு இறைச்சி பிரியர்கள். மாட்டுக் கறிக்கு பாஜகவின் கிடுக்கிப்பிடியே மலப்புரத்தில் பாஜகவின் பின்னடைவுக்கு காரணம் எனவும் கூறப்படுகிறது. இதை உணர்ந்ததாலேயே பிரச்சாரத்தின் போது, பாஜக வேட்பாளர் பிரகாஷ், தான் வெற்றி பெற்றால் இங்கு நல்ல மாட்டு இறைச்சி விநியோகம் செய்யப்படும் என்றே பேசினார். ஆனால், கேரள மாநில பாஜக தலைவர் சிம்மனம் ராஜசேகரன், `அவர் எந்த சூழ்நிலையில் அப்படி பேசினார் என விளக்கம் கேட்பேன்” என்றார்.



அதே நேரத்தில் மார்க்சிஸ்ட் வேட்பாளரை ஆதரித்து பிரச்சாரம் செய்த கேரள முன்னாள் முதல்வர் அச்சுதானந்தன், ‘’மாட்டுக்கறி குறித்து வாயால் சொன்னால் போதாது. அதனை சிம்மனம் ராஜசேகரனே தொடங்கி வைக்க வேண்டும்” என பிரச்சாரத்தில் கிண்டலடித்தார்.



இடைத்தேர்தலில் தோல்வி ஒருபுறம், வாக்குகள் எண்ணிக்கை உயராதது மறுபுறம் என அதிர்ந்து போயிருக்கிறது கேரள பாஜக.

நட்புகள் மீது

நட்புகள் மீது
வெறுப்புமில்லை..
உறவுகள் மீது
பகையுமில்லை..
இருக்கும் என்று
அலட்டவுமில்லை..
இல்லை என்று
விரட்டவுமில்லை..

Monday, April 10, 2017

மனிதம்

 மனிதம்
                           ஆலிம் புலவர்
                      எஸ். ஹூஸைன் முஹம்மது
                     ஹக்கிய்யுல் காதிரிய்யுல் மன்பயீ, , திண்டுக்கல்

மனிதம் அன்பின் மறுபெயரா
  மனதில் கசியும் வாசனையா
குணத்தால் எழுப்பிடும் கோபுரமா
  குளிர்ந்த பண்பின் கூறுகளா

உனது எனது என்பதெலாம்
  ஓய்ந்தபின் தோன்றும் உயிர்சுகமா
அனைத்து உயிரும் தன்னுயிராய்
  ஆராதிக்கும் தவநிலையா?

Monday, March 13, 2017

சமூக நல்லிணக்க விருது விழா, திருநெல்வேலி

இந்திய யூனியன் முஸ்லிம் லீகின் தமிழ்நாடு கிளை சார்பாக 11.03.17 அன்று திருநெல்வேலியில் சமூக நல்லிணக்க விருது வழங்கப்படும் மூவரில் நானும் ஒருவன் என்று ஏற்கனவே அறிவித்திருந்தேன்.
திமுகவின் செயல்தலைவர் ஸ்டாலின் அவர்கள் கையால் அவ்விருது வழங்கப்படும் என்று எனக்குத் தெரியாது. மாலை ஆறரை மணியளவில் மேடையில் அமர்ந்த நான் கிட்டத்தட்ட நான்கு மணி நேரத்துக்கும் மேலாக நகர முடியாமல் இருந்தேன்! ஒன்பதைரை மணி வாக்கில் ஸ்டாலின் வந்தார்.
என் அருகில் அமர்ந்திருந்த திரு நெல்லை கண்ணன் என்னிடம் பேசிக்க்கொண்டே இருந்தார். இல்லை என்னிடம் ஏதாவது சொல்லிக்கொண்டே இருந்தார் அவர் சொன்னதில் நிறைய அரசியல் சமாச்சாரங்கள் இருந்ததால் எனக்கு ஒன்றும் புரியாவிட்டாலும் நான் அவரது வயதுக்கு மரியாதை கொடுக்கும் பொருட்டு கேட்பது மாதிரியே நடித்துக்கொண்டும் சிரித்துக்கொண்டும் இருந்தேன்!

Friday, March 3, 2017

கலாச்சாரங்களுக்கிடையில் ஓர் முஸ்லிம் பெண் (உம்மத்)


;இறைவனை மட்டுமே ஏற்றுக் கொண்டு வாழும் ஒரு பெண் முஸ்லிம் பெண் எனப்படுகிறாள். அவள் தன் கொள்கையில் உறுதியாக இருக்க வேண்டும். எக்காரணம் கொண்டும் அதை விட்டுக் கொடுக்கக்கலாகாது.

தற்போது நாம் காணும் உலகம் ஆடம்பரங்கள் நிறைந்ததாகவும், கலாச்சாரங்களைச் சீரழிக்கும் விதத்திலும் அமைந்துள்ளது. சில நூற்றாண்டுகளுக்கு முன்னர் பெண்ணினம் உயிருடன் புதைக்கப்பட்டும், சிதையில் ஏற்றப்பட்டும் வதைக்கப்பட்டது. 1987 ல் இந்தியாவில் மான்சிங் என்பவர் இறந்துவிட்டதால் பச்சிளம் பெண்ணான ரூப்கன்வர் என்பவர் தன்னுடைய கணவனுடைய சிதையில் உயிருடன் ஏற்றப்பட்டால். அவள் துடிதுடித்து கருகிச் செத்ததை இந்தியமக்கள் நேரிலும், மீடியாக்கள் வாயிலாக செய்தியாகவும் கேட்டுத் தெரிந்து கொண்டனர்.

Tuesday, February 28, 2017

அத்தனையும் உன் அருளே..

எனது சூனியத்தில்
எத்தனை மின்னல் !
எனது இருட்டுக்குள்
எத்தனை வெளிச்சம் !
எனது இல்லாமைக்குள்
எத்தனை கொடைகள் !

Tuesday, February 21, 2017

பிப்ரவரி-21 சர்வதேச தாய்மொழி தினம்

'வரலாறும், இலக்கியமும் இரு கண்கள்...' என இன்றைய தலைமுறையினர் கருத வேண்டும். அப்போதுதான் தங்களது சொந்த வரலாறு அறிந்து, தங்களுக்கே உரிய பாரம்பரியம், கலாச்சாரத்தைப் பேணி வாழ ஏதுவாக இருக்கும். காலம் கடந்து நிற்கும் சிறப்பு இலக்கியங்களுக்கு மட்டுமே உண்டு. ஒவ்வொரு சமூகமும் தங்களது தனித்த அடையாளத்தை, பாரம்பரியச் சிறப்பை, வாழ்வியலை இலக்கியமாக வடித்து எதிர்காலத் தலைமுறைக்கு விட்டுச் செல்ல வேண்டியது வரலாற்றுக் கடமையாகும். இக்கடமையை முந்தைய தமிழ் முஸ்லிம் இலக்கியவாதிகள் செம்மையாகச் செய்து வந்தனர். படைப்பிலக்கியங்களில் பெரும் பங்களிப்புச் செய்து தமிழ்மொழிக்கும் அழகு சேர்த்தனர்.

Thursday, February 9, 2017

துபாய் ஈமான் அமைப்பின் சார்பில் ஜும்ஆ அல் மஜித் செண்டருக்கு கலாசார பயணம்

துபாய் ஈமான் அமைப்பின் சார்பில் ஜும்ஆ அல் மஜித் செண்டருக்கு கலாசார பயணம் ஒன்று ஏற்பாடு செய்யப்பட்டுள்ளது.
இந்த கலாச்சார பயணம் 18.02.2017 சனிக்கிழமை காலை 9 மணிக்கு மேற்கொள்ளப்பட இருக்கிறது.
ஜும்ஆ அல் மஜித் செண்டரில் பழங்கால அரபி மொழி கையெழுத்துப் பிரதிகள் டிஜிட்டல் முறையில் பாதுகாக்கப்பட்டு வருகிறது. இங்கு பழங்கால திருக்குர்ஆன் உள்ளிட்டவை இருந்து வருகிறது.
அரபி மொழி நூல்கள் உள்ளிட்ட பல்வேறு மொழி நூல்கள் கொண்ட நூலகம், பாரம்பர்ய பொருட்கள், அமீரகத்தின் பழங்காலம் குறித்த தகவல்கள், பழங்கால தொலைபேசி உள்ளிட்ட பல அரிய தகவல்கள் அடங்கியுள்ளன.
இந்த குழுவினர் தமிழகத்தின் நீடூர் உள்ளிட்ட பல்வேறு இடங்களுக்கும் சென்று வந்துள்ளனர்.

Wednesday, February 8, 2017

யார் தடுப்பார் ?..எவர் தடுப்பார் ?...

J Banu Haroon
இங்கே தாலியும் புர்காவும் பற்றிப்பேச ...
யாருக்கும் தகுதியில்லை .நகர்ந்து நில் !...
அவளின் உரிமை ...அவளின் கலாச்சாரம் ...
அன்னியனுக்கிங்கே என்ன வேலை?...
வடக்கே ஒருவர் பேச ...
தெற்கே ஒருவர் கூவ ...
கிழக்கே ஒருவர் கேவ ...
மேற்கே ஒருவர் மாய ...
என்ன கேலிக்கூத்திது ?...
யார்தந்த உரிமையிது ?..
எந்தமத உரிமையை ...
எந்தமதம் தட்டிப்பறிப்பது ?...
எந்த மனிதனின் உரிமையை ..
எந்த மனிதன் எட்டித்தடுப்பது ?.
யாரது ராஜா ?..எட்டுத்திக்கும் கொடிபறக்க ....
யாருக்கேணும் தூக்கட்டும் கூஜா !...

Saturday, February 4, 2017

[Success Through Salah-09] தொழுகையும் அறிவாற்றலும் – Salah and Intellect

S.A. மன்சூர் அலி, நீடூர்  December 30, 2016 தொழுகை கற்றுத்தரும் வாழ்க்கையில் வெற்றி, வீடியோ ஆடியோ Leave a comment 237 Views

தொழுகை கற்றுத்தரும் வாழ்க்கையில் வெற்றி! புதுமையான கலந்துரையாடல் (தொடர்-9)

S A Mansoor Ali : Success Through Salah – An Innovative Discussion – Part 9

தொழுகையும் அறிவாற்றலும் – Salah and Intellect

வழங்குபவர்: நீடூர் S.A. மன்சூர் அலி
(மனிதவள மேம்பாட்டுப் பயிற்சியாளர்)

Thursday, February 2, 2017

அவன் நம் தாய்மார்களை விட கருணையில் மேலானவன்

தூக்கிப் போட்டு கொஞ்சி விளையாடும் குழந்தை அந்த நிலையில் தாயின் முகத்தில் சிறுநீர் பெய்தால், அட என் செல்லமே, என் கண்ணுக்கு ஒண்ணுக்கு வந்துட்டதாக்கும் என்று செல்லமாய் சிணுங்கி தன் முகத்தையும் குழந்தையையும் பொறுமையாய் சுத்தம் செய்யும் தாயை விடவும்.......
இலட்சோப இலட்சம் அளவுக்கு கருணையின் வடிவாக விளங்கும் பேரிறைவன், அறியாமல் அவன் மக்கள் செய்யும் சில தவறுகளை பிழைகளை தப்புகளை மன்னிக்காமல் இருந்து விடுவானா?
அதற்கெல்லாமும் நாளை மறுமையில் குற்றம் பிடிப்பான் என்று விளக்கம் தர இங்கே யாராவது முயன்றால்......

Wednesday, February 1, 2017

நிம்மதியெனும் பேரருளியல்...

சத்திய மார்க்கமும்
அதன் வழி கோட்பாடும்
ஹிஜாபெனும் முக்காடும்
என் உயிரியலில் கலந்த வாழ்வியல்.
இதனால் அடைகிறேன் நிம்மதியெனும் பேரருளியல்...
முக்காடிட்டு மூடியிருப்பது
அமானித மேனியையேதவிர
அறிவுகொண்ட மூளையை அல்ல!
#ஹிஜாப்தினம்
-----------------
இறைதந்த உயிருடல்
இன்றியமையாதது
இவ்வுலக வாழ்வுயென்றும்
இனிமையின்னலேதவிர
இதுவே நிலையாகாது.
- Malikka Farook

Malikka Farook

⁠⁠⁠மந்திரம் சொல்வேன் மகனே...!

ஏக்கம் உன்நெஞ்சில்
---- ஏறாமல் இருந்திடவே
கேட்டது எல்லாம்
---- கிடைக்கச் செய்வேன்
புரவியிலேறி புவியெங்கும்
---- சென்று வெற்றிகள்பெற்றிட
சான்றோனாய் வாழ்ந்திட
---- வழிவகைகள் வழங்கிடுவேன்

Tuesday, January 31, 2017

அஹமது ஹுஸைன் தீதாத், ஓர் ஆச்சர்யக் குறி!

Yembal Thajammul Mohammad 



அஹமது ஹுஸைன் தீதாத், ஓர் ஆச்சர்யக் குறி!


இந்தியாவைப் பூர்வீகமாகக் கொண்டவர்; தென் ஆஃப்ரிக்க எழுத்தாளர்,பேச்சாளர்.
இஸ்லாமிய அழைப்பாளர் என்று உலகெங்கும் அறியப்பட்ட ஒற்றை மனித ராணுவம்!
அந்த வகையில் அரை நூற்றாண்டு காலம் கிறிஸ்தவ உலகை அதிர வைத்தவர்!
ஆறாம் வகுப்புக்கு மேல் முறையாகப் படிக்க இயலாத அவர், தன் முயற்சியால் கற்றவற்றைக் கசடறக் கற்றார்.
அவர் பேசிய ஆற்றொழுக்கான ஆங்கிலத்தின் மூலம் இஸ்லாமிய தீபத்தை எங்கெங்கும் ஏற்றிவைத்தவர். அது இன்றும் ஒளிவீசிக் கொண்டிருப்பது.
ஒரு மனிதர் எந்த மேடையில் எப்போது பேசினாலும் அப்படியே அச்சேற்றி விட முடியாது.ஆனால் அஹமது தீதாத் அவர்களின் பேச்சுக்கு அந்த மதிப்பு இருந்தது.

Monday, January 30, 2017

முஹம்மதெனும் ஒளியெடுத்து முஹப்பத்தால் முகம் துடைத்து ...

Abu Haashima
@ படம் ... மூணாறு
சமீபத்தில் மூனாறு மலைக்கு சென்று வந்தோம்.
செல்லுமிடமெல்லாம் பசுமை பாய் விரித்திருந்தது.
சொகுசுக் காரில் மலை உச்சிக்கு செல்வது சுகமாகவே இருந்தது.
உச்சியில் நின்று மலையின் கீழே எட்டிப் பார்த்தால்
ஊரையே மலை சூழ்ந்திருந்த அழகான காட்சியில் மனம் லயித்துப் போனது.
அல்லாஹ்வின் அற்புத படைப்பாற்றலுக்கு நன்றி சொல்லிக் கொண்டோம்.

அன்று ...
மக்காவின் வீதிகளில் மாண்புகளின் நிறை மனிதர் முஹம்மது ரஸூலுல்லாஹ்
நடந்து சென்றபோது மக்கத்து குறைஷிகள் கல்லால் சொல்லால் நோவினைசெய்தார்கள் .
மனம் வேதனித்த பெருமானார் மக்காவின் சற்று தொலைவிலுள்ள தாயிப் மலைக்கு சென்று
அங்குள்ள மக்களையாவது இஸ்லாத்தின் பக்கம் அழைக்கலாமென்று முடிவு செய்தார்கள்.
தனது வளர்ப்பு மகன் ஜெய்தை அழைத்துக் கொண்டு தாயிப் நகருக்கு நபிகளார் சென்றார்கள்.
தாயிப் நகரை
அப்துல் யஹ்லீல்
மஸ்வூது
ஹபீப்
ஆகிய மூன்று மூர்க்கமுள்ள சகோதரர்கள் ஆட்சி செய்து வந்தார்கள்.

Sunday, January 29, 2017

நேற்றைய துன்பங்களை நினைத்து


தமிழ் பிரியன் நசீர்

நேற்றைய துன்பங்களை
நினைத்து
இன்றைய பொழுதினை
கவலைகளுக்குத்
தாரை வார்த்து விடாதே
நாளையென்பது
விடியலாம் அல்லது
விடியாமலும் போகலாம்
இன்று இந்த நிமிடங்கள்
உனக்கான இனிய சந்தர்ப்பம்
நழுவ விடாதே
விட்ட நொடிகளை
விழுந்து தொழுதாலும்
திரும்பப் பெற்றிட இயலாது
முடிந்தால் மகிழ்ச்சியை
பிறருக்கும் வழங்கி
நீயும் மகிழ்ந்து வாழப் பழகு ..!!

தமிழ் பிரியன் நசீர்

Thursday, January 26, 2017

ஏகனே இறையோனே ....!

ராஜா வாவுபிள்ளை
ஆதியும் அறிந்தேன்
அந்தமும் அறிவேன்
வாழ்கையை அறிந்தேன்
வணக்கத்தை அறிவேன்
வம்புகள் அறியேன்
வாய்மை அறிவேன்

இது தான் வாழ்க்கையா..

Saif Saif
சில நேரங்களில் நாம் ஒழுங்காக தானே இருக்கிறோம் ..
அல்லாஹ் நம்மை ஏன் தான் இப்படி சோதிக்கிறானோ ..
அநியாயம் பண்றவனெல்லாம் நல்லா தானே இருக்கான் ..
என்று நினைக்க தோன்றும் ..
ஆனால் அது உண்மையல்ல.
வெளி தோற்றத்தில் அவ்வாறு இருக்குமேயன்றி உண்மை அதுவல்ல ..
ஒவ்வொருவருக்கும் ஒவ்வொரு பிரச்சினை இருந்து கொண்டு தானிருக்கும் .
இன்னும் நல்லவர்களுக்கான பெரும்பாலான தண்டனைகள் உடனுக்குடன் அவனுக்கு கொடுக்கப்பட்டு அவன் வழி தவறா வண்ணம் இறைவன் பார்த்துக்
கொள்கிறான் .
அவன் விரும்பாத மற்றவர்களை கண்டு கொள்ளாமல் விட்டு கடைசியில் கையை விரித்து விடுகிறான் ..

Tuesday, January 24, 2017

தோழரே...........................!

தோழரே...........................!
=====================Yembal Thajammul Mohammad
தொல்காப்பியர் காலத்தில் தலைவன் / தலைவிக்குத் தொடர்பிலிருந்த பன்னிரண்டு வகை நட்பினரில் “தோழர்,தோழி” முதலிடம் பெற்றவர் ஆவர்.
“தோழன்,தோழி” எனும் சொற்கள் சங்ககாலத்தில் பெருமளவில் வழக்கத்தில் இருந்தவை.
மதீனாவைத் தலைநகராகக் கொண்டு அண்ணல் நபி(ஸல்) அவர்கள் ஒரு சாம்ராஜ்யத்தையே ஆட்சி செய்த காலத்திலும் அவர்களைப் பின்பற்றியோர் அவர்களுடைய “தோழர்கள், தோழியர்” என்றே அறியப்பட்டனர்.

Wednesday, January 18, 2017

தாடி வளர்ப்பதின் நன்மைகள் பற்றி இஸ்லாம்.

தாடி வளர்ப்பதின் நன்மைகள் பற்றி இஸ்லாம்.

இன்று தாடி வைக்கும் ஆண்களின் எண்ணிக்கை முஸ்லிம்கள் மத்தியிலும் குறைந்து வருவதைக் காணக்கூடியதாகவுள்ளது. இன்றைய இளைய சமுதாயத்தினர் உலக நடைமுறைக்கு அமையவே (fashion) தாடி வைக்கின்றனர். ஒவ்வொரு விதமான நவீன வடிவங்களில் (styles) தலை முடிகளை வெட்டுவது போல் தாடிகளையும் ஒவ்வொரு நவீன வடிவங்களில் வடிவமைத்து அந்நிய கலாசாரத்திற்கு ஒப்பாக நடந்து கொள்கின்றனர்.
அல்லாஹ்வின் தூதர் (ஸல்) அவர்கள் கூறினார்கள்: யார் (மாற்றுக் கொள்கையில் உள்ள) ஒரு கூட்டத்தாருக்கு ஒப்ப நடக்கின்றாரோ அவர் அவர்களையே சார்ந்தவர்.
அறிவிப்பவர்: இப்னு உமர் (ரழி) ஆதாரம்: அபூதாவூத் 3512
நபி (ஸல்) அவர்கள் கூறினார்கள்: இணைவைப்பாளர்களுக்கு மாறு செய்யுங்கள், தாடிகளை வளரவிடுங்கள். மீசையை ஒட்ட நறுக்குங்கள்.
அறிவிப்பவர்: உமர் (ரழி) , ஆதாரம்: புஹாரி 5892

Thursday, January 12, 2017

ஜும்மா முபாரக்...


ஜும்மா முபாரக்...
Sirajudeen Bin Mustafa Kamal
வெள்ளிக்கிழமை ஆனால் முஸ்லிம்களில் சிலர் ஜும்மா முபாரக் என்று சொல்வார்கள்... அப்படி என்றால் என்ன? அது எப்பொழுது உருவானது என்று என் ஊரைச் சேர்ந்த, எனது நண்பர் ஷேக் அஹமது எஸ்எஆர் கேட்டிருந்தார்... அவருக்கான விளக்கப்பதிவு. உங்களுக்கும் உதவக்கூடும் நண்பர்களே..
1989 ம் வருடம்...
மார்கழிப் பனிபொழியும் டிசம்பர் மாதம்...
ஒரு வெள்ளிக்கிழமை...

Thursday, January 5, 2017

உதவி செய்ய தூண்டும் பிரதமர்...

'
'உண்ணுங்கள், பருகுங்கள், வீண் விரயம் செய்யாதீர்கள்'' என்னும் இறைமறை வசனங்களை நினைவூட்டும் விதமாக ஐக்கிய அரபு நாடுகளில்
2017 ம் வருடம் முழுவதும் Year of Giving என்று பெயரிட்டு பல்வேறு வகையான நிகழ்ச்சிகள் ஆண்டு முழுவதும் நடத்த திட்டமிடப்பட்டுள்ளதாக யுஏஇ துணை அதிபர் மற்றும் துபாய் பிரதமரான ஷேக் முகமது பின் ராசித் அல் மக்தூம தெரிவித்தார்...

Wednesday, January 4, 2017

இறைவா!

இறைவா!
இயலாமையிலிருந்தும்
சோம்பலிலிருந்தும்
கோழைத்தனத்திலிருந்தும்
கருமித்தனத்திலிருந்தும்
தள்ளாமையிலிருந்தும்
மண்ணறையின் வேதனையிலிருந்தும்
உன்னிடம் நான் பாதுகாப்புக் கோருகிறேன்.
இறைவா!
உள்ளத்தில் உன்னைப்பற்றிய அச்சத்தைஏற்படுத்தி,
அதைத் தூய்மைப்படுத்துவாயாக!
அதைத் தூய்மைப்படுத்துவோரில் நீயே சிறந்தவன்.
நீயே அதன் உரிமையாளன்; அதன் காவலன்.

ஜும்ஆ உரை

ஜும்ஆ உரை
- வர்தா புயல் போன்று ஒரு முகமது நபி(ஸல்) அவர்கள் கால சம்பவம் : ஒரு ஜும்மா உரையில் நபி(ஸல்) அவர்களிடம் தோழர் ஒருவர் மழைக்காக பிராத்திக்க கேட்டு நபி அவர்கள் பிராத்தனை செய்கிறார்கள், அடுத்த வாரம் ஜும்மா அன்று அதே நபி தோழர் மழையை நிறுத்த பிரதிக்குமாறு கேட்கிறார்கள். அப்பொழுது அவர் மக்களுக்கு ஏகத்துவம் பற்றியும் பாவம் பற்றியும் எச்சரிக்கை செய்யும் குர்ஆன் வசனங்களை கூறி பின் அல்லாஹ்விடம் பாவ மண்ணிப்பு தேடி பிறகு மழை நிற்க பிராத்தனை செய்கிறார்கள்.

பற்று வேறு வெறி வேறு.

ஒரு முறை புசைலா என்ற பெண்மணி நபி அவர்களிடம் வந்து “இறைத்தூதரே நான் என் சமூகத்தை நேசிப்பது இன வெறியா” என்று கேட்டார்கள். அதற்கு நபி அவர்கள் “தன் சமூகத்தை ஒருவன் நேசிப்பது இனவெறி அல்ல. மாறாக தன் சமூகத்தைச் சார்ந்தவன் வரம்பு மீறி அநீதியை செய்யும்போது அவன் செய்வது தவறு என்று தெரிந்தும் அவன் தன் சமூகத்தைச் சார்ந்தவன் என்பதற்காக அவனுக்கு உதவினால் அதுவே இனவெறி” என்றார்கள்.
- நூல்: அஹ்மத்
இறைவன் ஞானம் வழங்கிய எந்த இஸ்லாமிய அறிஞரும் இன மத வெறியர்களாக இருக்கவில்லை..
- உலக தீவிரவாத்தில் மிக சொற்பமாக இஸ்லாமிய தீவிர வாதிகள் இருந்த போதிலும், ஐ.எஸ் உட்பட அனைத்து தீவிரவாதத்திற்கு எதிராக அனைத்து அறிஞர்களும் பிரச்சாரம் செய்பவராகவே இருக்கின்றனர்.

Sunday, January 1, 2017

விடியும் பொழுதுகளில்

by. Gajini Ayub

விடியும் பொழுதுகளில்
வழிமாறா வழித் தடங்கள் வேண்டும் இறைவா ! 
புற்றீசல்களாய் பொய் நிலை புதிர்வாழ்க்கை
எதிர்திசையில் என்னை மறிக்கின்றன மண்ணில் தினந்தோறும் ..
எப்படி வெல்வேன் 
என்று மெய்ப்பட 
வழிதேடி விழி நோகி
வீழ்ந்து களைத்திட்டேனே
வீண்கழிந்த என் நாட்களின் பாவங்கள்
விடைகளின்றி தவிக்க
காணும் மெய்வாழ்க்கை கண்டுணர்ந்து வாழ
இனியேனும் மெய் தருவாய் நிறைவாய்
நின்றுணர்ந்து நீண்டழும் என் விழிகளுக்கு
விடை தா என் இறைவா !
ஏங்கித் தவிக்கும் ஏழை இதயத்திற்க்கு

இனிய வழி திற என்இறைவா !

Gajini Ayub

LinkWithin

Related Posts with Thumbnails